غزل

۔۔۔۔۔۔۔۔۔۔۔

ادھر بھی میں ہی کھڑا ہوں ادھر بھی میں ہی   ہوں

سفر کے   ساتھ  میاں    ہمسفر  بھی  میں  ہی   ہوں

یہ   میرا   ہجر   سکھاتا    ہے    مجھ   کو   در بدری

کڑکتی دھوپ بھی میں ہوں شجر بھی میں ہی ہوں

میں   اپنا    عکس     زمانے    میں   دیکھتا    جاوں

دل آئنہ ہے   مرا    دیدہ ور   بھی   میں    ہی    ہوں

میں   کوزہ گر   ہوں   بناتا    ہوں  نت   نئی  شکلیں

ہنر  کے   شہر    میں   کارِ ہنر   بھی  میں   ہی  ہوں

میں   اپنے    آپ    میں    دنیا    نئی     بنا     بیٹھا

خبر بھی خود ہوں میں اور باخبر بھی میں ہی ہوں

یہ        ریگزار       مرا        پھیلتا      چلا      جائے

طویل تر بھی   بہت  مختصر  بھی  میں  ہی  ہوں

جہاں کے میلے   میں  تو  نے  تو  چھوڑ  دی   انگلی

مجھے  ہی  ہجر  ملا  در بدر  بھی  میں   ہی   ہوں